Glendhang glendhung

GLENDHANG GLENDHUNG
Oleh Ustadz Irfan Farid

Urip ing pucuke jaman
kudu ngati-ati
omongan lan kelakuan

Aja kemlungkung
aja prumpang-prumpung
lan aja adigang-adigung

Glendhang-glendhung
umbrus manis janjine
nanging langka buktine

Ing wolak walike jaman
akeh wong waras makmum
maring wong edan

Cangkeme wong edan
didadekna pedoman
Pinuture wong waskita
malah dadi guyonan

Ing wolak-walike jaman
kelakuane manungsa ora ana
bedane karo hewan

Ngakune Islam
Awan puasa nyludhuk ning
warung nyekek badhogan

Ana kebo sikile loro
ning awan ramadlon
ngempul ning prapatan